الشروط والأحكام

شادية منصة بتعرض رحلات سياحية بتنظمها شركات سياحة شريكة، وبتخليك تختار الرحلة والميعاد ونقطة التجمع والكراسي وتحجز وتتابع حجزك. برنامج الرحلة ومواعيدها ونقاط التجمع بتحددها الشركة المنظمة وبتظهر في صفحة الرحلة.

• بتسجل دخول برقم موبايلك وكود بيوصلك في رسالة. متشاركش الكود مع حد.
• لازم تكون بيانات التواصل اللي بتكتبها صحيحة، لأن الشركة المنظمة بتتواصل معاك عليها بخصوص الرحلة.
• إنت مسؤول عن الحجوزات اللي بتتعمل من حسابك.

• الأسعار بالجنيه المصري، والإجمالي بيظهر لك قبل التأكيد شامل رسوم الخدمة لكل كرسي (لو فيه) وأي خصم.
• لو السعر اتغير قبل ما تأكد، بيظهر لك السعر الجديد ومحتاج تأكد تاني.
• كل رحلة ليها حد أقصى للكراسي في الحجز الواحد، والكراسي اللي حجزتها قبل كده على نفس الميعاد بتتحسب منه.
• بعض الرحلات بيتأكد الحجز فيها على طول، وبعضها الشركة بتراجع الطلب الأول (قائمة الانتظار) وبيوصلك إشعار بالنتيجة.

طرق الدفع المتاحة بتظهر لك وقت الحجز. في الدفع اليدوي (كاش في المحطة أو إنستا باي) فريقنا بيأكد الدفع على حجزك، ولما الدفع الإلكتروني يتفعل بيتم من خلال صفحة الدفع الآمنة لشركة الدفع.

الإلغاء والاسترداد بيتموا حسب سياسة الإلغاء والاسترداد، وبتشوف المبلغ المسترد قبل ما تأكد الإلغاء.

يرجى التواجد قبل موعد التحرك بـ 15 دقيقة لتسجيل الحضور وتسهيل الصعود للأتوبيس، واعرض رقم الحجز لمشرف الرحلة.

• كل رحلة ليها نقاط لكل كرسي، بتتضاف لرصيدك أول ما الحجز يتدفع، وبتتشال لو الحجز اتلغى.
• تقدر تستبدل النقاط بقسائم عند شركائنا من صفحة الولاء، وكل قسيمة ليها مدة صلاحية بتظهر عليها.

متستخدمش الخدمة في حجوزات وهمية أو بأسماء غيرك من غير إذنهم، ومتحاولش تعطلها أو توصل لبيانات مش بتاعتك. ممكن نوقف أي حساب بيخالف ده.

لو غيرنا الشروط دي هننشر النسخة الجديدة هنا بتاريخ تحديثها. ولأي سؤال تواصل معانا من مركز المساعدة.